ووٹرلسٹ میں ناموں کے اندراج کی مہم کا کل اختتام

حیدرآباد 21۔دسمبر (پریس نوٹ) فہرست رائے دہندگان میں ناموں کے اندراج کی جاریہ مہم پیر 23 دسمبر کو اختتام پہنچے گی ۔ ایسے تمام رائے دہندے جن کی عمر یکم جنوری 2014ء کو 18 سال ہوجائے گی ‘ اپنے نام درج کرواسکتے ہیں ۔ ایسے شہری جن کے نام ووٹرلسٹ میں شامل نہیں وہ بھی اس سے استفادہ کرسکتے ہیں ۔ فہرست میں



ناموں کی تنقیح کے لئے اتوار 22 دسمبر کو مقامی پولنگ بوتھس پر ووٹرلسٹ کو رکھا جائے گا ۔ ناموں کے اندراج کے لئے متعلقہ پولنگ مراکز‘ حکومت مقامی ادارہ جات ‘ بلدیات کے دفاتر ‘ خصوصی کیمپس ومی سیوا مراکز پر سہولتیں فراہم کی گئی ہیں ۔ ناموں کے اندراج ‘ درستگی کے لئے ویب سائٹ ceoandhra.nic.in پر رابطہ کیا جاسکتا ہے۔